انصار: (د لیندی ۴ مه)، د هندوستان لپاره د افغانستان د پرځیدلي جمهوري نظام د تړل شوي سفارت سفیر فرید ماموندزي په یوه تازه مرکه کې پر دغه هېواد د افغان سفارت د تړل کیدو له امله نیوکې کړي.
نوموړي ویلي چې یادشوی سفارت د هندوستان د فشارونو او نه ملاتړ له امله وتړل شو او اوس به په ډېر ګومان د طالبانو رژیم ته وسپارل شي.
هغه دا کار د یوې «طلایي دورې»پای ګڼلی او زیاته کړې یې ده چې طالبانو سره د هندوستان ملګرتیا د ارزښتونو د پالنې پر ځای شخصي ګټو ته لومړیتوب ښيي.
په هندوستان کې د افغانستان سفارت پرون د یوې اعلامیې له خپرولو سره، په بشپړه توګه د خپلو فعالیتونو د پای ته رسولو خبر ورکړ.
سرچینې وویل، سفارت به د هندوستان حکومت ته سپاري خو ټینګار کوي چې باید هند د افغان سفارت ملکیتونه او شتمنۍ خوندي او پر سفارت د افغانستان درې رنګه ملي بیرغ رپاند وساتي.
هندوستان د افغان سفارت د بشپړ تړل کیدو تازه اعلان ته غبرګون نه دی ښودلی.
URL تعقيب: https://www.ansarpress.com/pashto/28657
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني